LAOAG CITY – Maminsan manen a mangipatulod ti United States military kadagiti baro a fighter jets iti Japan.
Segun ken ni US Defense Department, daytoy ket paset pay laeng ti $10-bilyon upgrade a puwersa da.
Kadagiti sumaruno a tawen, ket maipatungpal ti panangpapigsa iti alyansa ti Japan ken Estados Unidos para iti naan-anay a kapia iti nasao a rehiyon.
Karaman kadagiti naipatulod ket ti 48 a fifth generation F-35A fighter a mangsukat iti 36 a F-16s a nakasestino iti Misawa Air Base idiay northern, Japan, 36 a baro F-15EX jets a nakadestino met iti Kadena Air Base idiay southern Okinawa a masukatan iti 48 a daan a F-15C/D models nga isu ti imun-una da nga inikkat.
Innayon pay ti Pentagon a plastaren da ti F-35B aircraft nga adda iti isla ti Honshu.
Maipalagip nga iti napalpalabas a tawen ket nagbalit a naiget ti alyansa Estados Unidos Japan para kas panagsagana iti aniaman a pangta Russia, China ken North Korea kontra kadakuada.
