LAOAG CIY – Nangiwayat manen ti baro a panagatake ti Estados Unidos ti airstrikes kontra iti Iran iti maika-uppat nga agsasaruno nga aldaw a panagatake daytoy.
Kinumprmaran datoy ti US Central Command no sadinno a tinargetda dagiti pasilidad a maipagarup nga ususaren ti Iran iti panagatake kadagiti commercial boat a dumaldalyasat iti Strait of Hormuz.
Kageddan daytoy, nangipatungpal pay ti Estados Unidos ti naval blockade tapno lappedan ti panagserrek ken panagruar dagiti barko kadagiti pantalan ti Iran.
Segun iti nangato nga opisial ti Iran, nilabsing ti Estados Unidos ti umuna a katulaganda a temporario a pannakaipasardeng ti rinnupak tapno ikkan ti tsansa a pagsaritaan ti kinatalged iti rehiyon.
Kabayatanna, inbatan pay ti Iran a natamaan ti airstikes dagiti sumagmamano a paset iti Strait of Hormuz pakairamanan ti Qeshm Island, Bushehr, ken dagiti asideg ti border ti Iraq ken Kuwait.
Kas sungbat, nagibales ti Iran kadagiti barko ti Estados Unidos iti Strait of Hormuz no sadinno a dua a tripulante ti pimmusay. Maysa a Norwegia oil tanker met ti nadadael kalpasan ti drone attack nga asideg iti Oman.
Iti baet ti kumarkaro a tension, inanunsio ni US President Donald Trump a saanen a mauloy ti plano a toll fee kadagiti barko a dumaldalyasat iti Strait of Hormuz.
