LAOAG CITY – Agpada a bimmagsak iti South China Sea iti nagsina nga insidente ti maysa nga US Navy helicopter ken fighter jet idi domingo Oktubre 26.
Iti maysa nga statement nga inparuk-at ti US Pacific Fleet ita nga aldaw ti Lunes, Oktubre 27, ti immuna a nagswek ket ti maysa nga US Navy MH-60R Sea Hawk helicopter, a naka-assign iti “Battle Cats” ti Helicopter Maritime Strike Squadron 73.
Bimmagsak ti nasao nga helicopter iti disputed waters kabayatan a mangisaysayangkat ti routine operations manipod iti aircraft carrier nga USS Nimitz.
Natalged met a narekobre ti search and rescue assets manipod iti Carrier Strike Group ti amin a tallo a crew members.
Kalpasan ti 30 a minutos ket simmaruno a bimmagsak iti disputed waters ti F/A 18F Super Hornet fighter a naka-assign iti Fighting Redcocks ti Strike Fighter Squadron 22 kabayatan a mangiyus-uswat ti routine operations manipod iti Nimitz.
Natalged met amin dagiti crew members.
Agtultuloy ti imbestigasyon iti panagswek ti US Navy helicopter ken fighter jet.
