LAOAG CITY – Bumisita idiay Ukraine ni United States special envoy for Ukraine ken Russia a ni Keith Kellog inton Pebrero 20.
Inbatad ni Andriy Yermak ti mangidadaulo ti Ukrainian Presidential Office a namnamaenda ti agbalin a napintas a resulta ti panagbisita ti US official.
Makaipaay ti US official ti komprehensibo nga impormasion iti panangraot ti Russia kontra iti Ukraine.
Maibilang daytoy a napateg iti pannakikammayet iti baro nga United States administration tapno magun-od ti pudno a kinakappia.
