LAOAG CITY – Inpannakkel ni United States President Joe Biden nga iti panagngudo ti terminona ket adu ti napipintas a naaramidanna para iti Amerika.
Iti umuna a panagbitlana sipod a nangabak iti kina-Presidente ni Donald Trump, maysa kadagiti inpannakkelna ket ti napintas a kasasaad itan ti ekonomia ti Amerika.
Inpasingkedna a maaddaan ti napitas a transition iti panagsinnukat ti puesto ken ni Trump.
Kunana nga agtultuloy ti trabahona iti nabatbati a nasurok 70 nga aldaw a panagtrabahona.
Ginutigotna dagiti umili a saan nga agbalin nga agresibo agresibo ken irespetar laengen ti nagbalin a resulta ti eleksion.
