LAOAG CITY – Kinondenar ni United States President Joe Biden ti gandat a panangpapatay ken ni dati a Presidente ti Estados Unidos a ni Donald Trump.
Kinunana nga awan ti lugar ti napolitikaan a kinaranggas idiay America no sadinno a inpasigurago na a risutenda ti aniaman a saan a panagtutunos iti mapaspasangasangan a 2024 United States Election.
Dinayaw pay ti presidente ti alisto a panagtignay ti Secret Service tapno naan-anay a maimbestigaran ti pammaltog.
Mainaig iti daytoy, naidarum ti suspek a ni Ryan Wesley Routh iti federal gun crimes, panagikut iti paltog babaen ti maysa a nasentensiaan a felon ken panagikut iti paltog nga addaan iti obstructed serial number.
Impalgak pay ti imbestigasion ti korte a naglemmeng ti suspek iti nasurok a 12 nga oras iti golf course ni Trump a masarakan idiay Florida.
Gapu iti daytoy, inpasigurado ni Biden nga ad-adda pay a paigetan ti Secret Service ti seguridad dagiti bambantayan da nga opisyales ti gobyerno.
Timmawag metten ni Biden ken ni Trump ken kinamusta na ti kasasaadna.
