LAOAG CITY – Mamati ni United States President Joe Biden nga us-usaren ni Israeli Prime Minister Benjamin Netanyahu ti Gaza war tapno agpaut iti puestona.
Inbatadna nga us-usarenna laeng ti nasao a gubat para iti pulitika.
Immunan nga indasar ni Biden dagiti baro a peace proposal tapno agsardengen ti military operations ti Israel iti Gaza.
Mangnamnama daytoy nga awaten ti Hamas ken Israel ti nadakamat a proposal tapno maliklikanen a mairaman pay dagiti sibilian.
