LAOAG CITY – Kinissayan ti Estados Unidos ti 1% ti taripa a naipataw ditoy Pilipinas kalpasan nga immannugot da Presidente Ferdinand Marcos Jr. ken United States President Donald Trump iti open zero tariff iti Amerika.

Manipud iti 20% reciprocal tariff nga inpataw ti Trump administration ket inaramidnan a 19%.

Iti X account-na, inbatad ni Trump a maysa a pammadayaw a makasarita ni Presidente Marcos Jr. no sadinno a kunana a nasayaat a tao ni Marcos ken maysa a tough negotiator.

Immannugot ti PIlipinas iti maysa nga open market iti Amerika nga addaan ti zero tariffs.

Nupay kasta, inlawlawag ni Marcos a ti zero tariffs ket maipatungpal laeng kadagiti sumagmamano a produkto kas ti automobiles.

Naglikudan ni Marcos a dehado ti Pilipinas, iti baet ti 19% a taripa a nangatngati latta maidasig iti 7% a naipataw idi Abril.

Iti nasao a panagtaripnong, pormal nga inimbitaran ni Marcos ni Trump a bumisita ditoy Pilipinas.

Kabayatanna, dinakamat ni Trump a bumisita ditoy pagilian iti kabiitan a panawen.