LAOAG CITY – Nagkedkedan ni United States President Donald Trump dagiti diplomatic efforts ti sumagmamano a Middle Eastern mediators tapno mangrugi ti ceasefire talks iti Iran.
Nangrugi ti kumarkaro a rinnupak idi Pebrero 28 kalpasan a nangiwayat ti Estados Unidos ken Israel ti nalawa nga air assault kontra iti Iran.
Bimmales ti Tehran iti nalawlawa a gubat a nangitunda ti pannakatay ti naruay nga indibidual ken nangdegdeg iti tension iti intero a lubong.
Inserra ti Iran ti Strait of Hormuz, maysa a kangrunaan a ruta ti suplay ti langis a nangitunda ti pannakaitantan iti global oil shipments.
Iti baet ti kanayon a panangikagumaan ti sumagmamano a pagilian pakairamanan ti Oman tapno lukatan ti diplomatic channels ken nalawag a saan nga interesado ti administrasion ni Trump iti ceasefire negotiations iti agdama.
