LAOAG CITY – Nadismaya ni United States President Donald Trump iti kaudian a diaya ti Iran para iti peace talks nga indauloan ti Pakistan.
Inbatad ni Trump a saan a nainkalintegan dagiti kidkiddawen ti Tehran.
Nadakamat a kiniddaw ti Iran nga itantan pay laeng ti aniaman a diskusion mainaig iti nuclear program-da agingga a malpas ti gubat.
Naammoan a kas kasukat, inlungalong ti Tehran ti maminsan manen a panaglukat ti Strait of Hormuz ken panagikkat iti economic sanction ti Amerika.
Gapu iti daytoy, saan a naliklikan ni Trump nga agpangta a mabalinda nga agusar ti naig-iget a puersa no mapaay manen ti negosasion.
Inpettengna a maipagarup nga adda ti “tremendous discord” iti liderato ti Iran a mangparparigat a maaddaan ti katulagan.
