LAOAG CITY – Madanagan ni United States President Joe Biden iti panag-leak dagiti impormasyon maipapan iti plano a panagatake ti Israel iti Iran.
Segun iti White House National Security Council spokesman John Kirby, imimbestigaranda ti nasao a dokumento kalpasan a na-hack ken nag-leak dagiti impormasyon.
Immunan a kinumpirmaran ni House of Representatives Speaker Mike Johnson nga adda napasamak a panag-leak ti impormasyon idi napalabas a lawas.
Naamuan a naglaon daytoy kadagiti impormasyon seknan kadagiti aktibidad ti military assets ti Israel kas sungbat iti missile attack ti Iran idi Oktubre 1.
Minarkaan da ti nasao a dokumento kas “Top Secret” a paset ti intelligence alliance ti Estados Unidos, Britain, Canada, New Zealand ken Australia.
