LAOAG CITY – Nagturong ni United States Pres. Joe Biden iti entablado iti press conference-na idi rabii ti Hulyo 11 a napuan ti pammati nga isuna ti mangabak iti mapaspasangasangan a 2024 United States Presidential Election.
Kunana a namnamaenna manen ti pannaka-butos na kas Presidente iti Estados Unidos gapu ta indedikarnan ti biag na iti lubong ti politika.
Iti larng panagleppas ti NATO meeting ita a tawen, ket inyendorsar ni Ukrainian President Volodymyr Zelensky a kas “Presidente ni Putin”.
Maipalagip a ti press conference a dinar-ayan na iti dayta nga aldaw ket isu ti umuna a panagparangna kalpasan ti saan a napintas a performance na iti debate da iti kalaban na a ni dati a United States Pres. Donald Trump, a nangitunda kadagiti awag manipud iti sumagmamano a Demokratiko a politiko nga agsardengen iti kampania na ken agsanud kas presidente.
Maipalagip a nagbalin a nabara ti saludsod kenkuana seknan iti tawen na ken iti kasasaad ti salun-at na.
Malaksid iti daytoy, umad-ado pay dagiti pannawagan nga ag-withdraw ni Biden iti kandidaturanan.
Ngem nu pay kasta ket inlaksidna dagitoy a sayangguseng ken inpettengna a lumaban latta iti kina-Presidente.
