LAOAG CITY – Saan latta a nagbalbaliw ti kumpiansa ni United States President Donald Trump iti national security team daytoy.
Daytoy ket kalpasan ti maipagarup nga aksidente a pannakairaman ti Journalist a ni Jeffrey Goldberg iti group chat dagiti security officials.
Iti nasao a kontrobersia ket inbutaktak ni Goldberg ti plano ti Estados Unidos nga airstrike idiay Yemen.
Inbatad ni White House Press Secretary Karoline Leavitt, agtaltalek latta ni Trump kadagiti security official-na.
Iti naisayangkat a panagdengngeg iti United States Capitol ket inlawlawag ni Defense Secretary Pete Hegseth nga awan ti aniaman a sensitibo nga impormasion ti naammoan.
Iti agdama, kiniddawda ti tulong dagiti technical experts ni Tesla CEO Elon Musk no kasano a nairaman iti group chat ti nasao a Journalist.
