LAOAG CITY – Dumalan iti 14 nga aldaw a panagquarantine da US President Donald Trump, ti asawa na a ni Melania Trump ken ti presidential adviser na kalpasan a nagpositibo dagitoy ti covid-19.
Daytoy ti report ni Bombo International Correspondent Emman Reagan Corcino, taga ditoy ciudad ti Laoag ngem agdama nga agnanaed idiay Estados Unidos.
Inbaga ni Corcino a kalpasan ti debate da US President Trump ken ni Democratic Nominee Joe Biden idiay Cleveland ket nagderetso ti grupo ti presidente iti Minnesota para iti campaign rally na a maipagarop a nakaalaan na ti virus.
Kuna pay ni Corcino nga amin dagiti nagkakalugan iti Air Force 1 ket dimmalan da amin ti swab test ngem dagiti laeng agasawa a Trump ken ti presidential adviser na ti nagpositibo.
Gapu iti daytoy, madanagan dagiti supporters ni Trump ngem inbaga ti doktor ti US President nga awan ti pagdanagan dagiti mangsupsuporta iti presidente.
Inpakaammo pay ni Corcino a basar iti impormasyon na ket naitantan pay laeng ti papan panagkampanya ni Trump kadagiti a dayo alugar idiay Estados Unidos ngem kadagiti asideg a lugar ket mabalin na latta ti mapan basta maobserbar ti social distancing kangrunaan na ket saan nga agus-usar ti face mask ti US President.
