LAOAG CITY – Binallaagan ni US President Donald Trump ti baro a lider ti Venezuela a ni Delcy Rodríguez nga agbayad ti nadagdagsen ngem ti naaramid ken ni President Nicolas Maduro no saanna nga aramiden ti usto.
Inpetteng ni President Trump a para iti Venezuela, ti panagbalbaliw ti rehimen wenno aniaman a kayat nga itawag ket nasaysayaat ngem ti adda iti nadakamat a pagilian iti agdama.
Inaramid daytoy ni Trump kalpasan nga immapela ni Rodríguez kabayatan ti umuna a cabinet meeting na a dagiti Venezuelan ken ti rehiyon da ket karbengan na ti maaddaan ti kapia ken dayalogo, saan ketdi a gubat.
