LAOAG CITY – Inbatad ni US President Donald Trump a timmawag dagiti Iranian leaders tapno makinegosyar kenkuana kalpasan a nagballaag nga ikonkonsiderar na ti mangipatungpal ti military action iti Iran.
Daytoy ket kalpasan a ginasut a protesters ti kumpirmado a napapatay babaen ti security forces ti Iran kabayatan ti nadamsak a tignay protesta iti pagilian a nangrugi pay iti naudi a paset ti Disyembre idi 2025.
Immunan a nagpangta ti Iranian Foreign Minister a saan nga agbirbiruk ti pagilian da ti gubat, ngem no naan-anay da a nakasagan no adda ti mangraot kadakuada.
Mainaig iti mapaspasamak a nadamsak a tignay protesta, inpatungpal ti gobierno ti Iran ti internet shutdown isut gapuna a narigat ti makaala ti aniaman nga impormasyon iti uneg ti nadakamat a pagilian.
