LAOAG CITY – Indeklarar ni US President Donald Trump a nalpasen ti giyera iti nagbaetan ti Israel ken Hamas kalpasan ti dua a tawen.
Inrakurak daytoy ti US President sakbay a naglugan ti Air force One aircraft ken nagturong idiay Israel para iti naikeddeng a panangwaya-waya ti Hamas iti amin a balud da manipod iti Gaza kas paset ti ceasefire agreement.
Kas kasukat, waya-wayaan met ti Israel ti 250 a balud da a Palestino ken nasurok a 700 a detainees.
Kabayatanna, namnamaen nga iti isasangpet ni Trump iti Israel, ket makipagkita a dagus ken ni Israeli Prime Minister Benjamin Netanyahu ken ti pamilya dagiti hostage ti Hamas sakbay a sumango iti Israeli parliament iti Jerusalem.
