LAOAG CITY – Inpannakkel ni United States President Donald Trump a naaddaanen ti nalawlawa a katulagan iti nagbaetanda ti Iran.
Inbatadna a malaksid kadagiti dadduma a dadakkel a katulagan ket mabalinen a malukatan ti Strait of Hormuz.
Maaddaan laeng ti panangipinal iti nagbaetan ti Estados Unidos ken Islamic Republic of Iran kaduana ti sumagmamano a pagilian.
Nakasarita ni Trump iti telepono ti sumagmamano a grupo dagiti Gulf ken regional leaders pakairamanan ti manipud idiay Saudi Arabia, United Arab Emirates, Qatar, Pakistan, Turkey, Egypt, Jordan ken Bahrain tapno talantanen ti negosasion maipapan iti Iran.
Iti nagsina a gundaway ket nakasaritana pay iti telepono ni Israeli Prime Minister Benjamin Netanyahu no sadinno a naaddaan met ti napintas a resulta.
Manarimaanen a pagsasaritaanda ti sumagmamano a detalye ti nasao a katulagan.
Maipalagip a namin-adun a daras a naaddaan ti panagsinnarita iti nagbaetan ti Estados Unidos ken Iran ngem saan daytoy a nangitunda ti napintas a resulta.
