LAOAG CITY – Nagsango manen da US President Donald Trump ken Chinese President Xi Jinping iti bilateral talks iti South Korea.
Daytoy ket kalpasan ti sumagmamano a bolan a kumarkaro ti trade tension iti nagbaetan ti dua a pagilian.
Iti manmano a gundaway, nagalamano ti nasurok a maysa a minuto ti dua a lider dagiti pagilian nga addaan ti kadakkelan nga ekonomiya sakbay ti pribado a panagsasarita da a nagpaot ti dua nga oras.
Dinayaw ni Trump ti pannakitaripnong na ken ni Xi kas maysa a dakkel a balligi.
Kabayatanna, inrakurak ni Trump ti panangipataw na ti nababbaba a taripa iti Chinese imports ken inbatad na nga ikkan ti China ti Amerika ti napinpintas pay nga access iti maaw-awagan a “rare earths”, dagiti mineral nga us-usaren iti panagaramid ti electric cars, computer hard drives, TV screens, jet engines, dadduma pay nga electronics ken military weapons.
Inrakurak met ni Trump nga agpirma ti Amerika ken China ti maysa a trade deal iti kabiitan a panawen.
Daytoy ti kaunaan a gundaway a nagsango a personal da Trump ken Xi sipud pay idi 2019 no sadinno a naudi a nagkita dagiti dua iti G20 summit idiay Osaka, Japan.
