LAOAG CITY – Makipagkita ni United States President Donald Trump ken South Korean President Lee Jae Myung kas paset iti panagbiahena iti Asya.
Maiyuswat ti taripnong ti dua a pagilian kalpasan a nagtalinaed nga awan ti nagtungpalanna ti nagbalin a pribado a taripnong a nagpaut ti agarup dua nga oras.
Nairakurak ti katulagan iti maudi a paset ti Hulio no sadinno a liklikan ti South Korea ti naipataw a taripa ti baro nga investments iti Amerika.
Nagbalin a naiget nga agkaalyado ti dua a pagilian iti pakasaritaan ngem rimsua ti tension dagitoy kalpasan a naibalud ti ginasgasut a South Koreans iti immigration raid idiay Estados Unidos iti napalabas a bulan.
Mainaig iti daytoy, manarimaan ti week-long trip iti Asya ni Trump no sadinno a makipagkita ken ni Chinese counterpart Xi Jinping inton bigat para iti summit ti Asia-Pacific Economic Cooperation a maiyuswat iti Gyeongju.
Kinumpirmaran met ti China’s foreign ministry ti nasao a taripnong a maiyuswat iti siudad ti Busan inton bigat, apag-biit a flight manipud iti Gyeongju.
Kabayatanna, daytoy ti umuna a face to face meeting ti dua a lider sipod nagtugaw kas Presidente ni Trump ita a tawen ken nangipataw ti taripa iti kada pagilian iti intero a lubong.
