LAOAG CITY – Nag-post ni United States Pres. Donald Trump ti AI-generated photo ti bagina kas Santo Papa.
Daytoy ket kagiddan ti manarimaan a panangtalantan dagiti Cardinal iti panangpili ti baro a lider iti agarup 1.4 bilyon a deboto ti simbaan Katolika.
Ni Trump ket saan a Kotoliko ken saan a regular nga agat-atendar ti misa iti simbaan.
In-post ni Trump ti nasao a ladawanna sumagmamano nga aldaw kalpasan a napan nagatendar iti pannakaitabon ti bangkay ni Pope Francis a pimmusay iti tawenna a 88 iti napalabas a bulan.
Naammoan nga in-repost met ti White House babaen ti official X account daytoy.
Mainaig iti daytoy, makita iti ladawan ti saan a nakaisem a ni Trump a nakatugaw iti maysa nga ornate chair, nakabado iti white papal vestments ken headdress kagiddan ti pangingatona ti maysa kadagiti ramayna iti akinkannawan nga imana.
Kabayatanna, nagkedked a mangipaay ti aniaman a komento ni Vatican spokesman Matteo Bruni mainaig iti nasao a banag idinto a ni dati nga Italian Prime Minister Matteo Renzi ket nag-post iti X no sadinno a kinunana a daytoy a ladawan ni Trump ket makapainsulto kadagiti naruay a deboto a Katoliko.
