LAOAG CITY – Inrakurak si United States President Donald Trump a mangiparuk-at daytoy ti resolusion a mangipaay ti seguridad iti Ukraine.
Daytoy ti inpasigurado ni Trump iti taripnongna ken ni Ukrainian President Volodymyr Zelensky ken dagiti sumagmamano nga European Leaders.
Mamati daytoy a maaddaanen ti katulagan ti Ukraine ken Russia.
Immuna a kinataripnong ni Trump ni Zelensky no sadinno a nagbalin a naannayas daytoy maidasig iti umuna a panagkita ti dua.
Nagyaman ni Zelensky ken ni Trump gapu iti panangilungalongna ti panaglippas ti gubatda ti Russia.
Nakasagana met ti Estados Unidos a mangipatulod kadagiti suldado idiay Ukraine tapno masigurado a saanen a maulit pay ti aniaman a panangraut ti Russia.
Naammoan a manarimaan ti panangiyurnos ni Trump iti panagtaripnongda a tallo kada Russian President Vladimir Putin.
Mainaig iti daytoy, kadua da Trump ken Zelensky iti taripnong dagiti sumagmamano nga European leaders kas kada European Commission President Ursula von der Leyen, British Prime Minister Keir Starmer, Finnish President Alexander Stubb, French President Emmanuel Macron, Italian Prime Minister Giorgia Meloni, German Chancellor Friedrich Merz ken North Atlantic Treaty Organization (NATO) Secretary-General Mark Rutte.
Iti naisayangkat a taripnong dagiti European Leaders, inpasigurado ni Trump ti seryoso a panangilungalong daytoy ti ceasefire kas ti inkarina iti kampania a nakasagana daytoy a lippasen ti gubat ti dua a pagilian.
