LAOAG CITY – Ad-adalen ni US President Joe Biden ti mangted ti pre-emptive pardon iti sumagmamano a nalatak a kritiko ni US-President elect Donald Trump.
Paggepna a protektaran dagiti kritiko kontra iti posible panagibales ni Trump, nga immununan a nagkari nga agibales kadagiti nangbabalaw kenkuana.
Basar iti impromasion, ikonsiderar met ti administrasion ti mensahe a mabalin nga ipaawat ti pannangited ti pammakawan kadagiti tattao nga awan ti naaramid na a krimen.
Nagbalin a kontrobersyal ti unconditional pardon nga inted ni US President Biden iti anakna a ni Hunter Biden, a maipasngo koma iti sentensia ita a bulan para iti kaso a federal nga adda ti pakanaiganna iti paltog ken buis.
Daytoy ket nagbalin a target ti kritisismo manipud kadagiti Republican ken sumagmamano a Democrat.
