LAOAG CITY – Ikonkonsiderar ni US President Donald Trump ti pannakikadwa na iti panangraot ti Israel a mangpuntirya kadagiti nuclear sites ti Iran iti underground.
Daytoy ket iti baet ti agtultuloy a panagsinsinnukat ti Iran ken Israel ti air strikes.
Immunan a nagpanawagan ni President Trump iti Iran para iti “unconditional surrender” ken inpalgak na nga ammo na no sadinno ti lokasyon ti lider ti pagilian ngem saanna a papatayen kadagitoy a gundaway.
Maipalagip nga inpetteng ni Iranian Supreme Leader Ayatollah Ali Khamenei a kaanuman ket saan pulos a makikompromiso iti Israel ken ipakita na ti kinaawan asina.
