LAOAG CITY – Kinondenar ni US President Donald Trump ti Israel ken Iran, usar ti maysa nga expletive bayat nga ak-akusaran na ti dua a partido a nanglabsing iti ceasefire.
Immunan nga inbatad ti Israel a natamaan na ti maysa nga Iranian radar ngem nakaliklik iti dadduma a panagatake kalpasan a nakisarita ni Prime Minister Benjamin Netanyahu ken ni Trump.
Inbatad pay ti Israel a dagiti missile ket inyuswat ti Tehran kalpasan a nagepekto ti ceasefire, banag a naglikudan ti Iran.
Maipalagip a sakbay ti pannakaipatungpal ti ceasefire ket nagsinnublat a nangipabanto ti missile ti agsinnumbangir a partido a dagitoy ket naimatangan dagiti residente ti Tehran no sadinno nga ibilang da a kadagsenan a panagatake ti Israel.
