LAOAG CITY – Inbilin ni US President Donald Trump ti pannakatarimaan ti migrant detention facility iti Guantanamo Bay.
Kuna na a no maurnus ti nasao a pasilidad ket kabaelan nga okuparan ti 30 ribo a tattao.
Inpakaammo pay ti presidente a ti pasilidad iti US Navy base idiay Cuba, a maisina ti high-security military prison ket pagyanan dagiti ibilang na kas “worst criminal illegal aliens” a mangpangpangta kadagiti amerikano.
Ti Guantanamo Bay ket nabayagen a maus-usar a pagnaedan dagiti immigrants, banag a konkondenaren daytoy ti sumagmamano nga human rights groups.
Immunan nga inrakurak ni Presidente Trump a ti agdama a pasilidad ket mapalawa ken iwanwan daytoy ti Immigration and Customs Enforcement (ICE).
Saan met pay a nalawag no mano ti magastos iti pannakaipalawa ti pasilidad ken no kaano malpas.
