LAOAG CITY – Inbatad ni US President Donald Trump nga agkita da ken ni Colombian counterpart Gustavo Petro iti White House iti kabiitan a panawen.
Daytoy ket kalpasan a nagballaag ni President Trump a sumaruno a puntiryaen ti Amerika ti Colombia kalpasan ti operasyon na iti Venezuela a nakakemmegan da Ken ni Nicolas Maduro Ken ti asawa na a ni Cilia Perez.
Ti Venezuela ket naiget a kaalyado ken supsuportaran ti Colombia.
Mainaig iti nagbalin a pangta ti Amerika a sumaruno nga operasyonan da ti Colombia ket natured met a kinarit ni Petro ni Trump a nawaya a mapan mangala iti pagilian da.
Kabayatanna, inrakurak ni a Venezuelan Interior Minister Diosdado Cabello a ti bilang dagiti pimmusay iti iraraot ti Amerika iti pagilian ket nangatngato ngem ti naipublikar gapu ta ti patta-patta da ket nasurok a 100 a tattao ti pimmuy.
Immunan a naireport nga adda ti 23 a Venezuelan ken 32 a Cuban a Soldado ti natay iti iraraot ti US forces iti compound da Maduro.
