LAOAG CITY – Nagsaritan da US President Donald Trump ken United Kingdom Prime Minister Sir Keir Starmer.
Daytoy ti kaunaan a gundaway a nagsarita dagiti dua a lider sipud nakapungtot ti US President ken krinitikar na ti nagbalin a reaksyon ti United Kingdom iti inaramid ti Iran.
Nagsarita da Trump ken Starmer babaen iti telepono no sadinno a nagsaritaan da ti sitwasyon iti Middle East ken military cooperation iti nagbaetan ti United Kingdom ken Estados Unidos.
Maipalagip nga idi sabado ket inrakurak ni Trump nga ikonkonsiderar ti United Kingdom ti mangipatulod kadagiti aircraft carriers iti Middle East, ngem nagkedkedan daytoy ti US President gapu ta inpettengna a saan da a kasapulan ti sabali a tao gapu ta ibilang na a nangabak dan iti gubat.
Immunan nga inrakurak ni Prime Minister Starmer a saan a makipaset ti United Kingdom iti opensiba ngem immanugot nga usaren ti Amerika ti British bases para iti “defensive strikes” iti Iranian missile sites.
