LAOAG CITY – Nangideploy ni President Donald Trump ti 2 ribo a National Guard troops iti Los Angeles kalpasan dagiti engkwentro kabayatan ti pannakaraot kadagiti undocumented migrants.
Basar iti White House, daytoy ket paset ti kampanya tapno agngudon ti “lawlessness.”
Nupay kasta, kuna ni California Governor Gavin Newsom, ti pannakaideploy dagiti National Guard ket mabalin nga ad-adda a mangpabara iti tensyon.
Inpetteng na pay a kabaelan met ti lokal a gobierno a solbaren ti sitwasyon.
Napasamak ti panangibilin ni President Trump ti pannakaiwaras ti National guard kalpasan ti dua nga aldaw a nadamsak nga engkwentro iti nagbaetan dagiti demonstrator ken federal agents ti Amerika no sadinno a nagusar ti tear gas ken flash-bang grenades dagiti otoridad, idinto a nagusar met dagiti demonstrador kadagiti fireworks ken dagiti bato.
Adda pay dagiti lugan a napuuran ken nabarikadaan dagiti kalsada usar ti shopping carts ken sako nga adda ti kargana a semento.
Naamoan nga iti umuna nga aldaw ti tignay protesta ket nangiyuswat ti dadakkel nga immigration raids ti federal agents kadagiti lugar iti high-profile workplace no sadinno nga 82% ditoy ket dagiti Hispanic wenno Latino.
Nagballaag met ti Defense Secretary ti Amerikaa no kumaro ti sitwasyon, mabalin nga agusar ti gobierno kadagiti aktibo a soldado, karaman dagiti Marines iti Camp Pendleton.
