LAOAG CITY – Nangideploy ni US President Donald Trump ti ad-ado pay a National Guard troops ken Marines iti Los Angeles gapu iti agtultuloy a nadamsak a tignay protesta iti ciudad.
Naamoan nga agus-usar dagiti otoridad ti rubber bullets, stun grenades ken dadduma pay a non-lethal weapons kontra kadagiti demonstrador.
Nupay kasta, saan a nagustwan daytoy ni California Governor Gavin Newsom ken inpasingked na a mangipatungpal ti legal action kontra iti pannakaideploy ti naruay a National Guard troops ken marines iti Los Angeles.
Inawagan na pay ni Trump a nadadaelen ti panunot na ken diktador.
Maipalagip a namonganay ti nadamsak a tignay protesta iti lugar idi rinugyan dagiti otoridad ti nangiyuswat ti dadakkel nga immigration raids ti federal agents kadagiti lugar iti high-profile workplace no sadinno nga 82% ditoy ket dagiti Hispanic wenno Latino.
