LAOAG CITY – Dinutukan ni US President-elect Donald Trump ni Robert F Kennedy Jr. kas Health and human services secretary.
Iti statement, inbatad ni Trump a ni Kennedya mabigbig kas “vaccine sceptic”, ket makatulong a mangprotehir kadagiti Americans manipod iti makadadael a kemikals, pollutants, pesticides, pharmaceutical products ken food additives”
Malaksid iti daytoy, idaulwan pay ni Kennedy ti Children’s Health Defense, ti leading anti-vaccine group.
Maipalagip a kabayatan ti presidential campaign, nagaramid ni Kennedy ti national profile para iti panangkritikar na ti Covid vaccines ken childhood immunizations.
Ipetpetteng na a dagiti bakuna ket mangitunda iti autism iti baet nga adda dagiti ebidensya babaen kadagiti panagadal nga awan ti kinapudno ti alegasyon ni Kennedy.
