LAOAG CITY – Namnamaen a ngumato ti 25% ti taripa dagiti goods a sumrek idiay Estados Unidos, nga aggapo iti Canada ken Mexico.
Daytoy ti inkari ni US President-elect Donald Trump.
Segun ken ni Trump, ipatungpal na ti 25% a pagngatoan ti taripa dagiti goods nga aggapo iti Canada ken Mexico iti umuna paylaeng nga aldaw a panagtugaw na kas baro manen a mangidaulo iti Amerika.
Innayon ni Trump nga ipangato na pay ti 10% ti taripa dagiti goods nga aggapo iti China.
Kabayatanna, inawagan met ti China ti plano ni Trump kas
“irresponsible” ken nagballaag nga awan pulos ti agballigi iti trade war.
