LAOAG CITY – Kinumpirmaran ni United State president-elect Donald Trump a nakasagana daytoy a mangideklara ti national emergency ken agaramat kadagiti military asset tapno isayangkat ti mass deportation campaign.
Ti nadakamat a pannakapapanaw dagiti awan dokumentona nga immigrant ti kangrunaan a programana a maipatungpal iti umuna nga aldaw ti panagtugawna kas Presidente ti Estados Unidos.
Naruay met dagiti conservative group iti Estados Unidos ti agsagsagana para iti panangipatungpal ni Trump iti mass deportations.
Immuna iti daytoy, impasigurado dagiti lider ti Democratic a saan da suportaran ti deportation agenda nga ipatungpal ni Trump.
