LAOAG CITY – Immanugot ni US President Joe Biden a maipaayan ti Ukraine ti anti-personnel land mines.
Segun iti US defence official, nagkari ti Ukraine nga usaren da laeng ti anti-personnel land mines a nagtalinaed nga aktibo iti limitado a panawen ken saanna nga usaren kadagiti lugar nga ado ti populasyon na.
Kabayatanna, temporaryo a napaserraan ti embahada ti Estados Unidos iti Kyiv kalpasan a nakaawat ti impormasyon nga adda ti maipatungpal nga air attack.
Immunan a nakumpirmaran a dagiti US-made longer-range Army Tactical Missile System (Atacms) missiles let timmama kadagiti kangrunaan a puntirya iti uneg ti Russia, sumagmamano nga aldaw kalpasan a rimuar dagiti report nga inpalubos ti White House ti pannakausar dagitoy babaen ti Ukraine.
