LAOAG CITY – Inawagan ni US President Joe Biden ti pagilyan a Japan, India, China ken Russia kas “xenophobic” gapu ta saan da a kayat ti agawat kadagiti immigrants.
Inaramid daytoy ni Biden bayat ti campaign fundraising event.
Inkalintegan ti White House a saan a panggep ti presidente a masair ti rikna dagiti nadakamat a pagilian no di ket kalikagom na laeng nga ipamatmat ti immigration policies iti Estados Unidos.
Nupay kasta, kinondenar ti Japan ken China ti panangawag ni Biden iti pagilian da kas “xenophobic”.
Saan met a direkta a sinungbatan ti gobierno ti India ti nagbalin a komento ni Biden, ngem kuna ti Indian Economist ken journalist a ni Madhavan Narayanan a saan a maikanatad nga ibaga a san a kayat ti pagilian da ti immigrants.
