LAOAG CITY – Nangisyu ni US President Joe Biden ti presidential pardons kadagiti 39 nga amerikano a nakunviktaran ti saan unay a nadamsak a krimen idinto a binaliwan na ti sentensya ti agarop 1,500 a sabsabali pay.
Ibilang ti White House a daytoy ti kaadoan nga acts of presidential clemency a naiparuk-at iti uneg laeng ti maysa nga aldaw.
Inaramid daytoy ni Biden kalpasan a nagdesisyon a pakawanen na ti anak na a ni Hunter Biden.
Ti konstitusyon iti Estados Unidos ket ibilbilin na nga adda ti bileg ti presidente a mangipaay kadagiti reprieves ken pardons para kadagiti nagbasol kontra iti Estados Unidos malaksid kadagiti kaso nga impeachment.
Naamoan a dagiti naipaayan ti pardon ket nangipakita ti naimballigian a rehabilitasyon ken inkari da ti commitment da tapno ad-adda pay a mapatibker ken nataltalged dagiti komunidad da.
