LAOAG CITY – Kinumpirmaran ti Malacañang ti manamnama a panagatendar ni United States President Donald Trump iti Association of Southeast Asian Nations (ASEAN) Summit a maiwayat iti Manila intono Nobiembre ita a tawen.
Immuna iti daytoy, indeklarar ni Presidente Ferdinand Marcos Jr. ti aldaw ti Nobiembre 16 agingga 18 kas special (non-working) days iti National Capital Region para iti pannakaisayangkat ti 49th Association of Southeast Asian Nations (Asean) Summit ditoy pagilian.
Maipalagip a naudi a bimmisita ni United States President Donald Trump ditoy pagilian idi Nobiembre 12 agingga 14 idi tawen 2017, para iti 31st ASEAN Summit Meeting iti Manila.
Immunan a personal a nagtaripnong da Presidente Ferdinand Bongbong Marcos Jr. ken United States Donald Trump iti White House idiay Washington, D.C., idi Hulio 22 iti napalabas a tawen. Kalpasan iti daytoy ket adda pay ti napasamak a panagsarita dagiti dua a lider babaen iti telepono idi Hulio 23 ita met laeng a tawen.
