LAOAG CITY – Nagpangta ni US President Donald Trump a pabettaken na ti South Pars gas field iti Iran no rauten na manen ti energy facilities ti Qatar.
Ti South Pars/North Dome field ti maibilang a kadakkelan a gas field iti lubong.
Inbatad ni Trump a no rauten manen ti Iran ti natural gas facilities ti Qatar, sumubbot ti US iti babaen ti panangdadael na ti sibubukel a South Pars Gas Field.
Inaramid ti US President ti panagpangta na kalpasan a naaddaan ti “significant damage” dagiti pasilidad ti Liquified Natural Gas (LNG) ti Qatar gapu kadagiti panagraot ti Iran.
Inpasigurado met ni Trump nga awanen dagiti panagatake anipod iti Israel iti Iran, ngem nagballaag ti Estados Unidos nga agibales maraot manen ti Qatar.
