LAOAG CITY – Inanunsio ti US Food and Drug Administration ti pannakaaprobar ti panangagas iti kanser ti pancreas a mabalin a mangtaming iti maysa kadagiti makapapatay a kita ti sakit.
Ti agas, nga addaan iti brand name a Rasonque, ket pinarang-ay ti US startup a Revolution Medicines. Impakita ti maysa a klinikal a panagadal a mabalin nga agdoble ti panagbiag ti dadduma a pasiente.
Nupay saan a cure, ti treatment, a mainum kas pills, ket nangpataud iti kinagagar kadagiti oncologist ken dagiti grupo a mangitantandudo kadagiti pasiente.
Agus-usar daytoy ti molecule a maawagan daraxonrasib ken napaneknekan nga ad-adda nga epektibo ngem iti gagangay a chemotherapy kadagiti klinikal a panagadal.
Kagudua kadagiti pasiente a nakaawat iti agas ti nakalasat iti nasurok a 13 a bulan no sadinno a mamindua a napapaut ngem ti grupo a naagasan iti chemotherapy.
Dagitoy a resulta ket nasaknap a dinayaw ti komunidad ti medisina ken nangmarka iti kaunaan a naisangsangayan a panagballigi kotra iti kanser iti adu a dekada.
