LAOAG CITY – Immanugot ti Korte Suprema idiay Amerika a trataren ti kaso no agtalinaed ti century-old constitutional right iti guaranteed citizenship kadagiti maiyanak iti nasao a pagilyan.
Ti met agbalin a desisyon ti Supreme Court ket no suportaran na ti citizenship rights para kadagiti ubbing dagiti migrants nga iligal nga adda iti US wenno iti temporary visas wenno lippasen daytoy.
Naamoan a ti sumaruno ket mangikeddeng dagiti justices ti schedule tapno denggen ti oral arguments iti nagbaetan ti government ken plaintiffs a pakairamanan dagiti immigrant parents ken infants.
Maipalagip nga iti ummuna nga aldaw iti opisina idi Enero ni President Donald Trump, pinirmaan na ti linteg a mangleppas iti birthright citizenship, ngem linapdan daytoy ti lower courts gapo iti isyu ti constitutionality.
Iti uneg ti 160 years, ti 14th Amendment iti US Constitution ket naestablisar na ti principle a siasinno man ti maiyanak iti Amerika ket maibilang nga US citizen, nga addaan ti exceptions kadagiti children a naiyanak manipud kadagiti miembro ti diplomats ken foreign military forces
