LAOAG CITY – Pormalen nga inawat ni United States Vice President Kamala Harris ti presidential nomination ti Democratic Party.
Naangay daytoy iti sangwanan dagiti supporters iti Democratic National Convention idiay Chicago.
Agbalin a running mate na ni governor ti Minnesota state a ni Tim Walz iti mapaspasangasangan nga eleksyon idiay America.
Sakbay iti daytoy, nangipadanon metten ti suporta da Gobernador Gretchen Whitmer ken North Carolina Governor Roy Cooper, kasta met high-profile Republican a ni Adam Kinzinger.
Maipalagip a pinili ni United States President Joe Biden ni Harris a mangsukat kenkuana iti eleksion inton Nobiembre kalpasan a ti awag dagiti kameng ti partidona nga umatras iti eleksion.
Kabayatanna, kalaban ni Harris ti kandidato ti Republicans a ni dati a Presidente ti Estados Unidos a ni Donald Trump.
