LAOAG CITY – Binabalaw ni United States Vice President JD Vance dagiti European countries gapu iti panangbaybay-a iti panagadu dagiti iligal migrants, pananglapped iti press freedom ken saan a makikaykaysa iti partido kontra iti gobierno.
Inaramid ti United States Vice President ti pammabalaw iti panagbitlana iti Munich Security Conference idiay Germany.
Inpannakkelna a kabaelanna nga ileppas ni United States President Donald Trump ti riribok iti nagbaetan ti Russia ken Ukraine ngem ti pangta ket adda iti Europa.
Inpettengna a kinabaelan ti Estados Unidos ti aniaman a pammabalaw manipud kadagiti sumagmamano a protesters a saan a malaplappedan dagitoy a mangiruar ti arungaing.
