LAOAG CITY – Inrakurak ni United States Vice President JD Vance nga adu ti nagdur-asanna ti panagsinnaritada iti Iran.
Kiniddaw ni Vance ti ad-adu pay a pannakisarsaritana iti Iran maipanggep kadagiti napapateg a banag kangrunaanna iti ceasefire.
Inlawlawagna a mangnamnama ti Estados Unidos a lukatan ti Iran ti Strait of Hormuz iti kabiitan a panawen.
Nagballaag ni Vance a mabalin a mabalbaliwan ti nagbalin a negosasionda no saan nga agtungpal ti Tehran kadagiti katulaganda.
Maipalagip nga inrakurak ti delegation leader ti Iran a napaay ti Estados Unidos tapno maala ti talek ti Tehran kabayatan ti naisayangkat nga atiddog a negosasionda idiay Islamabad, Pakistan.Local Tourism Promotion
Immuna iti daytoy, inbatad ni Parliament Speaker Mohammad Bagher Ghalibaf nga indatag ti Iran dagiti sumagmamano nga inisyatiba iti masangoanan ngem napaay nga umanamong iti katulagan.
