LAOAG CITY – Maragsakan ni Congressman Carlo Nograles, chairman ti House Committee ti panangperman ni Presidente Rodrigo Duterte ti Free Irrigation Act of 2018.
Inbatad na a dakkel a tulong daytoy kadagiti mannalon, nangruna dagiti babassit laeng a mannalon gapu ta saan dan nga agbayad ti irrigation fee iti National Irrigation Administration (NIA).
Gapu ti daytoy, kuna ni Nograles a dakdakkelen ti mapastrek dagiti nasao a mannalon.
Innayon ni Nograles a gapu ti nasao a paglintegan ket amin nga utang dagiti mannalon ti NIA wenno dagiti saan da pay a nabaybayadan nga irrigation fee a mabalin a naginteres payen ket naminpinsanen a napugas.
