LAOAG CITY – Umabot iti 7.89% ti dagup nga utang ti gobierno apaman a nagngudo iti bulan ti Abril bayat a nairekord ti doble-digit a tinawen a panagngato iti domestic financing.
Segun iti ahensia, dimmanon iti P1.16 trillion ti dagup nga utang ti gobierno iti umuna a quarter ti 2024.
Nangatngato daytoy ngem iti P1.08 trillion a nairekord iti isu met laeng a panawen idi 2023.
Dakkel ti nagbalin nga epekto ti domestic borrowings, nga umab-abot iti 38.69 a porsiento agingga iti P1.04 trillion idi nagngudo ti bulan ti Abril manipud iti P749.11 billion a nairekord idi napan a tawen.
Nakaurnong pay ti gobierno iti P76.82 billion iti short-term IOUs iti umuna nga uppat a bulan ti 2024, idinto a P377.26 billion ti fixed rate treasury bonds.
Nupay kasta, dimmanon iti P124.1 billion ti foreign financing, 62.27 a porsiento a nababbaba ngem iti dati a P328.88 billion.
