Dimmanon iti P15.18-trillion ti utang ti pagilian idi Pebrero iti daytoy a tawen gapu ti agtultuloy a panangipaulog ti gobierno kadagiti securities a mangsuporta iti pondo ti estado.
Maibasar iti datos nga inruar ti Bureau of the Treasury (BTr), ngimmato ti utang ti pagilian iti 2.63% manipud iti P14.8 trillion idi ngudo ti Enero.
Iti dagup a P15.18-trillion nga utang, 69.68% ti domestic debt idinto a 30.32% ti foreign debt.
Kabayatanna, dimmanon ti domestic debt iti P10.58 trillion nga ngimmato iti 4.08% manipud iti napalabas a bulan gapu iti net issuance ti government securities.
