LAOAG CITY – Nasken nga ibutaktak dagiti state witness no asino ti utek iti likud dagiti naibutaktak a maanomalya a flood control projects ditoy pagilian.
Ti rakurak ket inaramid ni Department of Public Works and Highways (DPWH) Secretary Vince Dizon kalpasan a kinumpirmaran ni Prosecutor General Richard Anthony Fadullon nga ikonkonsiderardan nga state witnesses da dati a Department of Public Works and Highways Undersecretary Roberto Bernardo, District Engineer Henry Alcantara, Regional Director Gerard Opulencia ken Contractor a ni Sally Santos.
Inlawlawag ni Dizon a ti panagbalin nga state witness ket saanna a kayat a saoen nga acquitted dagitoyen kadagiti amin a kaso.
Kunana nga adda laeng immunity dagitoy iti criminal liabilities kadagiti kaso no sadinno a mabalin a makaipaayda ti credible nga ebidensia para iti prosekusion.
Inpettengna a ti napateg ita ket adda ti proseso.
Kumpiansa ti sekretario a dagiti nasao a testigo ket inarisit ti Department of Justice (DOJ) ken ti Office of the Ombudsman.
