LAOAG CITY – Makaapektar iti utek ti maysa a maladaga iti panagusar ti cannabis wenno marijuana ti maysa nga ina kabayatan ti panagsikogna.
Nadakamat a ti ‘exposure’ iti cannabis ti maysa a babai kabayatan a masikog ket adda ti pakainaiganna iti adu a ‘genetic changes’ iti baro a kaipasngay a maladaga.
Iti naiyuswat a panagadal ti international team, naduktalan a ti prenatal cannabis exposure (PCE) ket makadadael iti biag ti ubing apaman a madanon ti adult stage.
Inusar dagiti researcher iti panagadalda ti dua nga existing database a nangtutok iti indibidual manipud iti kaipasngay agingga iti tawenna a 27 no sadinno nga am-ammoen ti drug use habit ti maysa nga ina ken nangala ti blood samples.
