LAOAG CITY – Naitantan ti pannakaisayangkat ti vaccine simulation ita nga aldaw.
Segun kenni Dr. Norman Rabago, ti Provincial Covid-19 consultant, ummuna a pakaiyuswatan ti covid-19 simulation vaccine ket iti ili ti Solsona.
Nupay kasta, kuna ni Rabago a manamnama a maituloy met laeng daytoy intono bigat.
Inbatad na a manamnama a maituloy ti maisuruno ti ili ti Marcos, Dingras, Carasi, Nueva Era ken Banna.
Karaman kadagiti ahensya a makipaset iti daytoy ket ti Dept. Of Health, Provincial Health Office ken ti DILG.
Inlawlawag na a daytoy ket tapno ma-simulate ti actual a vaccination set-up kas panagsagana apaman a sumangpet dagiti bakuna ditoy probinsya.
Babaen iti daytoy ket makita dagiti posible nga agbalin a problema iti vaccine delivery, handling ken transport iti pannakaisangpet dagiti naorder a bakuna manipud iti Covax Facility.
Maipalagip nga 120 a ribo a doses ti bakuna ti inorder ti gobierno probinsyal manipud iti AstraZeneca no sadinno a karaman kadagiti maiprayoridad a mabakunaan ket dagiti frontliners, indigent senior citizens, senior citizens ken dagiti uniformed personnel.
