LAOAG CITY – Nakasaganan dagiti agbinnalubal iti Vice President idiay Estados Unidos para iti debate dagitoy.
Agpada nga adda iti New York da Democrats Tim Walz ken Republican JD Vance para iti kaunaan a panagsangoda.
Inbatad ni Minnesota Governor Tim Walz a nakasagana nga awatenna dagiti pammabalaw ti kalabanna.
Naammoan a sumagmamano kadagiti personalidad ti makadua ni Vance ket isuda Senior Trump Campaign Adviser Jason Miller, Donald Trump Jr. Arkansas Sen. Tom Cotton, Alabama Sen. Katie Britt, House Republican Conference Chair Elise Stefanik, Florida Rep. Byron Donalds ken CEO of Cantor Fitzgerald Howard Lutnick.
Naiget met dagiti otoridad ti seguridad tapno awan ti aniaman a mapasamak nga insidente.
